Pas shpërthimit që ndodhi në diskotekën “Gate Club ” në Prishtinë, ka ardhur reagimi zyrtar i lokalit, i cili ka sqaruar se ngjarja ka qenë pasojë e një defekti teknik dhe jo ndonjë incident me rrezikshmëri të lartë.
Sipas deklaratës për media nga menaxhmenti i klubit, shpërthimi ndodhi si pasojë e një defekti në një bombol gazi të vendosur përkohësisht, për shkak se pjesa e jashtme e objektit është në proces renovimi.
Fatmirësisht, nuk ka persona të lënduar dhe as dëme materiale.
“Dëshirojmë të informojmë opinionin publik se shpërthimi i ndodhur ka qenë rezultat i një defekti në një bombol gazi të vendosur përkohësisht, pasi pjesa e jashtme e objektit ndodhej në proces renovimi. Fatmirësisht, askush nuk është lënduar dhe nuk ka dëme materiale. Autoritetet përkatëse janë njoftuar menjëherë dhe po kryejnë verifikimet përkatëse për të garantuar sigurinë dhe për të shmangur çdo rrezik të mëtejshëm. Puna vazhdon normalisht. Shihemi sonte! Faleminderit për mirëkuptimin”.
