Presidenti amerikan Donald Trump ka vendosur të kufizoj median e njohuri “Zëri i Amerikës” (VOA). Këtë e ka bërë të ditur gazetari i njohur Elez Biberaj, përmes një postimi në Facebook.
Sipas tij, ky vendim do të ketë pasoja të rënda për imazhin dhe interesat globale të SHBA-së, si dhe për promovimin e vlerave demokratike në botë.
“Vendimi për të shpërbërë një nga asetet më të mëdha kombëtare të Amerikës do të shkaktojë dëme të thella për imazhin e SHBA-së” – tha ai mes tjerash.
“Zëri i Amerikës, një farë shprese dhe të vërteteje për qindra miliona njerëz në mbarë botën, u hesht sot në emër të uljes së burokracisë federale. Për më shumë se tetë dekada, VOA ka qenë një forcë jetike në promovimin e idealeve demokratike të Amerikës, duke paraqitur besnikërisht politikat amerikane, duke avancuar interesat kombëtare dhe duke shërbyer si një burim i besueshëm lajmesh për miliona njerëz në rajone të privuara nga informacioni. Vendimi për të shpërbërë një nga asetet më të mëdha kombëtare të Amerikës do të shkaktojë dëme të thella për imazhin e SHBA-së, interesat e saj globale dhe promovimin e vlerave demokratike – dëme që asnjë kundërshtar nuk mund t’i arrijë kurrë. Sot shënon një kapitull të trishtuar në historinë e angazhimit të Amerikës me botën.” – ka shkruar Biberaj.
Lëvizja, sipas mediave ndërkombëtare, vjen pas nënshkrimit të një urdhri ekzekutiv të premten nga Trump që udhëzon USAGM dhe gjashtë agjenci të tjera pak të njohura që të reduktojnë operacionet e tyre në minimumin e mandatuar nga ligji, duke thënë se ishte e nevojshme të tkurret burokracia.
Si pasojë, një numër i madh gazetarësh të Zërit të Amerikës janë vendosur në pushim të pacaktuar.
