Kryetari i Komunës së Gjilanit, Alban Hyseni, nuk ka përmbushur një nga zotimet kryesore të dhëna gjatë fushatës së tij zgjedhore në vitin 2021, atë për ndërtimin e dy nënkalimeve në qytet gjatë mandatit të parë.
Sipas raportit më të fundit të Institutit GAP, që monitoron realizimin e premtimeve të kryetarëve komunalë, asnjëri nga dy projektet e premtuara për nënkalime nuk ka filluar ende, ndonëse mandati aktual i kryetarëve të komunave është në muajt e fundit.
Zgjedhjet lokale në Kosovë janë caktuar për 12 tetor 2025, transmeton lajmi.net.
Në fushatën e vitit 2021, Hyseni – kandidat i Lëvizjes Vetëvendosje – pati deklaruar:
“Qyteti është i stërngarkuar, do t’i ndërtoj dy nënkalime brenda mandatit të parë.”
Megjithatë, raporti i GAP thekson mungesën e progresit në këtë drejtim, duke e renditur këtë premtim si të papërmbushur, ndërsa qytetarët e Gjilanit vazhdojnë të përballen me sfida në qarkullimin urban.
