Dy qytetarë nga Peja kanë dorëzuar në polici një shumë prej 10 mijë e 50 eurosh, të cilën e kishin gjetur në një lokal në rrugën “Vëllezërit Gërvalla” në këtë qytet.
Paratë i përkisnin një qytetari tjetër, i cili kishte raportuar humbjen e tyre në Stacionin Policor Pejë më 10 janar.
Pas hetimeve dhe në koordinim me prokurorin e shtetit, paratë iu janë kthyer pronarit.
Policia e Kosovës ka falënderuar qytetarët për përgjegjësinë dhe ndershmërinë e treguar.
