Në fillim të muajit tetor, kur nisin aktivitetet muajin rozë – një periudhë e rëndësishme për ndërgjegjësimin kundër kancerit të gjirit, fizioterapeuti Ensar Muzaqi nga Vushtrria ka ndërmarrë një nismë të veçantë humanitare.
Ai ka bërë një gjest të madh human, duke ofruar hixhame dhe terapi fizikale falas për të gjitha gratë që e kanë kaluar sfidën me këtë sëmundje.
Shërbimet falas do të jenë të në dispozicion nga 6 deri më 11 tetor, duke u ofruar atyre që perballuan sfidën kancerit mundësinë për të gjetur lehtësim fizik dhe mbështetje pas betejës së tyre të vështirë.
Ky veprim i fizioterapeutit Ensar Muzaqit është pritur me mirënjohje nga komuniteti, duke u parë si një shembull i shkëlqyer i solidaritetit dhe kujdesit shoqëror.
Gjesti humani i Ensar Muzaqit e bën muajin rozë një simbol jo vetëm të ndërgjegjësimit, por edhe të veprimeve konkrete për të mirën e pacientëve. Ky është një hap i rëndësishëm që inkurajon të tjerë të ndihmojnë ata që kanë nevojë.
