Si çdo banor tjetër, edhe Gjestit i erdhi radha ta bëj rrëfimin mbi momentet dhe sfidat që ka kaluar përgjatë jetës.
Ai filloi duke treguar mbi gjendjen e keqe financiare në të cilën u rrit, ku siç tha ai ka jetuar në një shtëpi njëkatëshe në kushte shumë të vështira, ku vetëm një mur e ndante nga lopët që kishin pasur dhe që i ushqenin familjen e tij.
Tutje, vazhdoi duke treguar se babai i tij është munduar shumë për ta mbajtur familjen.
Ai ka pranuar se ka qenë një djalë i rrugës, duke u rrethuar me shoqëri të keqe dhe duke shkelur disa herë besimin e familjes. “Kam marrë hashash në moshën 12-vjeçare. Nuk isha vetja, nuk e doja veten, vendosa të largohem nga bota”, ka treguar ai.
Gjesti ka theksuar se ka pasur një periudhë të vështirë, dhe për këtë ka kërkuar falje.
Ai u shpreh se me ndihmën e Zotit ka arritur të falet dhe t’i kërkojë falje për gjynahet që ka bërë.
Për publikun, ai ka ndarë edhe momentin kur babai i tij ka mësuar për herë të parë se ai kishte pirë hashash.
“Kur e ka marrë vesh babai që e kam pirë hashashin për herë të parë, ia kam parë lotin në sy. Shumë e vështirë, lotët ia pashë babait duke qarë”, ka thënë Gjesti.
Gjithashtu, ai ka treguar se ka ikur nga familja në moshën 18-vjeçare për të realizuar ëndrrën e tij, dhe ka kaluar shumë vështirësi.
“Kam fjetur jashtë para studios së muzikës dhe askush nuk ma ka hapur derën”, ka treguar Gjesti.
Në fund, ai tha: “Për ata jam këtu, unë jetoj për ta, ata dua t’i shoh mirë dhe u kry”.
Me rrëfimin e tij, edhe pjesa tjetër e banorëve u panë shumë të prekur.
