Kryeministri i Kosovës, Albin Kurti është gjobitur nga Gjykata Themelore e Prishtinës me 250 euro për mosparaqitje në Prokurorinë Speciale të Kosovës për të dëshmuar në lidhje me rastin e rezervave shtetërore, pas tri ftesave të Prokurorisë.
E lidhur me këtë ka ardhur reagimi nga vetë kryeministri Kurti.
Kurti me ironi tha se ndonjëherë e dënojnë atë, mirëpo sugjeroi gazetarët që të mos mërziten për një gjë të tillë.
“Mua më dënojnë nga njëherë, por mos u mërzitni ju” – ka thënë Kurti.
Këto komente Kurti i bëri pas përurimit të çerdhes në lagjen “Rezinë” të Gjakovës./Indeksonline/
