Gjykata më e lartë në SHBA ka vendosur kundër tarifave globale të Presidentit amerikan Donald Trump, të cilat hynë në fuqi vitin e kaluar, raporton BBC, përcjell Reporteri.net.
Në vendimin e saj, Gjykata ka vlerësuar se Trump e ka tejkaluar autoritetin e tij duke vendosur tarifa të gjera përmes një ligji të rezervuar për një emergjencë kombëtare.
Vendimi u mor me një shumicë 6–3. Tri gjyqtaret liberale, Ketanji Brown Jackson, Elena Kagan dhe Sonia Sotomayor, të bashkuara me tre gjyqtarë konservatorë, Amy Coney Barrett, Neil Gorsuch dhe John Roberts, votuan për rrëzimin e tarifave.
Gjyqtarët Brett Kavanaugh, Samuel Alito dhe Clarence Thomas votuan kundër vendimit.
Presidenti amerikan, Donald Trump, përmendi vazhdimisht tarifat gjatë një aktiviteti të enjten.
Trump tha se pa tarifa, “të gjithë do të falimentonin”.
Ai këmbënguli se ishte “e drejta” e tij të vendoste tarifa sepse ai është president dhe se “gjuha ishte e qartë”.
Presidenti gjithashtu u ankua se i është dashur “të presë për këtë vendim” nga Supremja.
“Kam pritur përgjithmonë” tha ai./Reporteri.net
