Shtatë anëtarët e “BTS” do të kryejnë shërbimin ushtarak në Korenë e Jugut, ka konfirmuar kompania menaxhuese e tyre, duke i dhënë fund një debati të gjatë kombëtar nëse ata duhet të marrin një përjashtim. Ata do të shërbejnë secili gati dy vjet në ushtri.
Shumë fansa të yjeve shpresonin se styre do t’u jepej një konsideratë e veçantë për shkak të kontributit të tyre në ekonominë e Koresë së Jugut dhe prestigjin ndërkombëtar. Jin, anëtari më i vjetër i grupit, do të jetë i pari që do të ndërrojë veshjen e tij të skenës me një uniformë menjëherë pasi të mbushë 30 vjeç në dhjetor.
Gjashtë anëtarët e tjerë, të lindur midis 1993 dhe 1997, do të ndjekin shembullin, me grupin që pritet të reformohet rreth vitit 2025, sipas kompanisë së tyre të menaxhimit, Big Hit Music.
Big Hit, pjesë e agjencisë Hybe të BTS, tha të hënën se anëtarët e grupit “po ecnin përpara me planet për të përmbushur shërbimin e tyre ushtarak”, duke shtuar se “ndërsa secili individ fillon në përpjekjet solo, është koha e përsosur dhe anëtarët e BTS janë të nderuar për të shërbyer”.
