Deputeti më i ri i LDK-, Paris Guri në emisionin “Ëeekend” në Klan Kosova foli për eksperiencën që pati në foltoren e Kuvendit të Kosovës.
Ai thotë se të gjithë deputetët e VV-së e ofenduan e e tallën, duke mos e lejuar të fliste ai vetë, transmeton Klankosova.tv.
“Nuk jam i kënaqur me daljen time të parë në foltore, për arsye se unë jam i kënaqur që jam pjesë e Kuvendit, dhe që kam mundësinë të jem zëri i rinisë, i krejt atyre që më kanë votu, por po besoj që dalja ime e parë, qashtu qysh e dinë të gjithë, u shoqëru me britma të mëdha nga 48 deputetët e Lëvizjes Vetëvendosje, të cilët prej momentit që unë jam ngritur e deri të foltorja, edhe te foltorja përmes zhurmës që e kanë kriju, përmes ofendimeve që i kanë thënë, janë munduar e kanë tentuar mos me më lënë me fol. Ne e kemi me rotacion se kush del me bë propozimin nga Lidhja Demokratike e Kosovës, e herën e kaluar ishte radha ime, por në momentin që u ngrita në këmbë filloi një cirk aty, duke bërtitur deputetët e VV-së me qëllimin që mos me më lënë me fol”, tha Guri.
“E pata një moment që u mundofsha me i këqyr krejt ata që ishin duke bërtitë, dhe me i analizu, u mundojsha me gjet një njeri që nuk është duke bërtitur prej deputeteve të VV-së, me përmend emrin e filan-fistekut m’i thanë nali. Për mu kjo ishte e çuditshme, që të gjithë bërtitshin”.
Nga ana tjetër, Guri tregon se çfarë kanë kundër tij deputetët e Lëvizjes Vetëvendosje.
“Çka kanë të tjerët me Paris Gurin, besoj që e para është opozitë-bërja që e kam bërë edhe pa qenë pjesë e Kuvendi të Kosovës. E dyta, që mendoj është edhe më shqetësuese, mendoj që ka të bëjë me moshën, sepse shumica prej komenteve që kam marr prej deputetëve të VV-së sa kam qëndruar në foltore, ka pasur të bëjë me moshën time. Kjo është për keqardhje për të rinjtë që duan të hyjnë në politikë”, tha ai.
Ai përmendi edhe kohën sa ishte kryetar i Forumit të Rinisë së LDK-së, ku shtoi se nga ky forum ka dalë e vërteta e skandalit të Faton Pecit me Fitore Pacollin.
