KB Trepça pas një sezoni maratonik me rënie e ngritje, arriti të shkoj deri në finale të Play Off-it, duke u shpallur nënkampion i Kosovës në basketboll.
Kur KB Trepça fitonte kishte shumë përkrahës, të cilët ngarendnin se kush po i merr meritat i pari, përfshirë edhe kryetarin e komunës së Mitrovicës, Bedri Hamza dhe nënkryetarin e komunës, Arian Tahiri, i cili për disa vite kishte veshur fanellat e këtij klubi si basketbollist profesionist.
Mirëpo, kur KB Trepça nuk arriti të shpallej kampion duke humbur ndeshjen e fundit, as Hamza e as Tahiri nuk e folën asnjë fjalë inkurajuese për të ardhmen e klubit.
Shkrimi i fundit i Bedri Hamzës për KB Trepça ishte me datë 30 prill, ku kishte shkruar: “Shihemi në finale! 💚 🖤”
Ndërsa, nënkryetari Arian Tahiri shkrimin e fundit e kishte shënuar para ndeshjes finale: “Pas interesimit të madh për ta ndjekur ndeshjen finale KB Trepça – KB Peja, Komuna e Mitrovicës do të vendos ekranin e madh në sheshin “Isa Boletini”. Aty do të mund ta shohim ndeshjen të gjithë bashkë dhe të presim për ta festuar titullin e kampionit. Forca Trepça!”.
Por Arian Tahiri nuk e tha asnjë fjalë pas humbjes, të paktën as për ta inkurajuar klubin për të ardhmen.
