Kryetari i komunës së Mitrovicës, Bedri Hamza dhe nënkryetari, Arian Tahiri kanë vizituar banorët e fshatit Kçiq i Madh.
Tahiri përmes një postimi ka thënë se ata së shpejti do të kenë rrugë më të mira brenda fshatit.
Nënkryetari tutje ka thënë se kanë vizituar nga afër edhe punimet që nisën në rrugët e fshatit, për të krijuar infrastrukturë më të mirë për banorët.
“Siç kemi thënë, do t’i trajtojmë fshatrat për të rregulluar insfrastrukturën. Kçiqi ishte në radhë tash, ndërkohë që projekti do të vazhdojë edhe në fshatrat e tjerë të Mitrovicës.”, ka shkruar Tahiri.
