Kandidati për kryeministër nga radhët e PDK’së, Bedri Hamza ka përshëndetur fillimin e heqjes së masave të Bashkimit Evropian ndaj Kosovës, duke e cilësuar këtë zhvillim si një lajm të mirë dhe një vendim të drejtë për qytetarët e vendit.
Përmes një postimi, Hamza ka theksuar se qytetarët e Kosovës nuk duhet të ndëshkohen për gabimet e qeverisë aktuale, duke vlerësuar se heqja graduale e masave është një hap i rëndësishëm drejt normalizimit të marrëdhënieve me BE-në.
Ai ka falënderuar partnerët evropianë për mbajtjen e premtimit dhe ka bërë thirrje për hapjen e një kapitulli të ri me Bashkimin Evropian, të bazuar në reforma, integrim evropian dhe zhvillim ekonomik.
“Së bashku me aleatët tanë, Kosova do të ecë përpara”, ka përfunduar Hamza.
