Kryetari i PDK-së, Bedri Hamza pas takimit konsultativ me Presidenten Vjosa Osmani për caktimin e datës së zgjedhjeve, ka thënë se për ta është e pranueshme cilado datë për mbajtjen e zgjedhjeve.
Hamza po ashtu ka thënë se beson që dekreti i Osmanit për shpërndarjen e Kuvendit është i drejtë.
“Ne e shprehëm qëndrimin tonë, e dimë se janë dërgu disa shkresa a do ti trajton Kushtetuesja si të pranueshme apo jo, çdo vendim do të respektohet nga PDK. Besoj se presidentja ka vepru në përputhje me detyrimet e veta.
Zgjedhjet janë të panevojshme, të lodhshme për qytetarët, mirëpo asnjë parti politike nuk ka mujtë me i dhënë vendit president, në përjashtim të asaj fituese”, tha Hamza.
