Kryetari i Aleancës për Ardhmërinë e Kosovës, Ramush Haradinaj ka pasur një kërkesë për presidenten e vendit, Vjosa Osmani.
Sipas Haradinajt, Osmani duhet të ju kërkojë falje qytetarëve të Kosovës.
Më tutje ai ka kërkuar nga presidentja Vjosa Osmani që të distancohet nga qeveria e udhëhequr nga kryeministri, Albin Kurti.
“Presidentja bën mirë që të distancohet nga Qeveria në tërësi. Për shkak se presidentja dikur ka kërkuar votë për këtë opsion qeverisës, pra për Kurtin. Nëse vota atëherë është kërkuar për një perspektivë euro-atlantike atëherë kjo s’ka dalur të jetë ashtu. Ka kërkuar votë për zhvillim ekonomik dhe ka dalur e kundërta, i takon presidentes që të distancohet nga kjo qeveri. Presidentja në një mënyrë duhet t’i kërkoj falje edhe qytetarëve të vendit për mosrealizimin e premtimeve”, ka deklaruar Haradinaj.
Po ashtu Haradinaj ka listuar tre arsye pse kjo parti e ka propozuar 26 janarin si datë të zgjedhjeve në takimin e partive politike me presidenten Osmani.
Sipas tij, vendi duhet të shkojë sa më shpejt në zgjedhje për shkak të dështimeve të njëpasnjëshme të Qeverisë.
