Një mbështetje e paprecedentë për sektorin bujqësor u premtua sot nga kandidati për kryeministër i Koalicionit për Kosovën Fituese. Gjatë takimit me qytetarët e Deçanit, Ramush Haradinaj njoftoi planin për trefishimin e subvencioneve për bujqit.
“Bujqësia do të bëhet një nga shtyllat kryesore të zhvillimit ekonomik të vendit, dhe për këtë do të ketë mbështetjen e plotë të shtetit,” u shpreh Haradinaj. Ai theksoi se rritja e subvencioneve do të shoqërohet edhe me lehtësira të tjera për zgjerimin e aktivitetit bujqësor.
Ky investim në bujqësi është pjesë e një plani më të gjerë ekonomik që përfshin edhe zhvillimin e turizmit dhe mbështetjen për bizneset e reja, duke synuar transformimin e plotë të ekonomisë rurale të Kosovës.
