Daut Haradinaj, nënkryetar i Aleancës për Ardhmërinë e Kosovës (AAK), ka folur në Pressing të T7 për zhvillimet e fundit në Kosovë, por edhe për kohën e luftës.
Ai ka thënë se “nuk duhet me u bë trim duke duke pirë makiato në Prishtinë”.
Këtë deklaratë Haradinaj e tha teksa foli për rolin e veteranit, duke thënë se sot lufta nuk duhet të jetë synim, por paqja.
”Unë e kam thënë se nuk duhet me u bë trim tu pi makiato në Prishtinë, lufta sjell gjak me jetëra të njerëzve. Lufta shkatërron, lufta nuk duhet me pas luftën vullnet. Kush e ka përjetu luftën e dinë, unë. Unë nuk e kam synim luftën, por paqen”, ka thënë Haradinaj.
Haradinaj tutje ka thënë se kur ka qenë pjesë e luftës nuk i ka kuptuar konceptet politike, pasi ka qenë i ri.
Për këtë thotë se nuk dëshiron votë vetëm pse ka qenë pjesë e luftës.
”Nuk kam luftu për me më dhënë dikush votë. Unë kam qenë më i ri, nuk e kam kuptu çfarë dmth partia LDK, ose partia parlamentare. Nuk e kam kuptu”, ka thënë ai.
