Kandidati për kryeministër nga AAK, Ramush Haradinaj, gjatë qëndrimit të tij në SHBA ka takuar senatorin amerikan Gary Peters, raporton Gazeta Online Veriuinfo.
Haradinaj ka thënë se me senatorin Peters kanë diskutusr lidhur me rikthimin e Kosovës në marrëdhënie strategjike me SHBA si dhe nevojën urgjente të anëtarësimit në NATO.
“ Një pjesë e rëndësishme e bisedës sonë kishte të bënte me rolin e komunitetit shqiptaro-amerikan në forcimin e urave të bashkëpunimit me theks të posaçëm – Mërgata Shqiptare në Michigan.” -shkruan Haradinaj.
Postimi i plotë:
Në një pritje të ngrohtë nga senatori amerikan Gary Peters, kemi diskutuar hapur lidhur me rikthimin e Kosovës në marrëdhënie strategjike me Shtetet e Bashkuara të Amerikës, si dhe nevojën urgjente të anëtarësimit të Kosovës në NATO, sipas Planit Aksional për Antarësim.
Një pjesë e rëndësishme e bisedës sonë kishte të bënte me rolin e komunitetit shqiptaro-amerikan në forcimin e urave të bashkëpunimit me theks të posaçëm – Mërgata Shqiptare në Michigan.
