Ambasadori i Britanisë së Madhe në Kosovë, Jonathan Hargreaves, ka thënë se e pati kënaqësinë të mirëpres mëngjesin e sotëm në takim Ekaterina Trendafilovën, kryetaren e Dhomave të Specializuara të Kosovës.
Në një postim në Facebook, ai ka thënë se me themelimin e kësaj gjykate në vitin 2016, Kosova demonstroi angazhimin e saj për të përcaktuar të vërtetën dhe për të ofruar drejtësi për të gjitha viktimat.
“Ashtu siç Mbretëria e Bashkuar mbështeti Kosovën në vitin 1999, ne vazhdojmë të mbështesim sundimin e ligjit në Kosovë dhe pavarësinë e Dhomave të Specializuara si një pjesë integrale të sistemit të saj ligjor”.
“Ne e njohim ndjeshmërinë e mandatit të gjykatës, por aftësia e saj për të komunikuar me popullin e Kosovës nuk duhet të pengohet. E vërteta dhe drejtësia duhet të triumfojnë”, ka shkruar Hargreaves.
