Ish deputeti i PDK-së, Bekim Haxhiu, ka thënë se a është Albulena Haxhiu gardianja e mashtrimeve të LVV-së që po tentohet me çdo kusht ta bëjnë kryeparlamentare.
Përmes një postimi në Facebook, ai ka thënë se është absurde që një deputete që hedh gaz lotsjellës në Kuvend, të bëhet kryetare e Kuvendit.
“LVV me metoda komuniste nuk mund dhe nuk duhet ta qeverisë Kosovën”, ka shkruar ai.
Postimi i tij i plotë:
Instituti i Mjekësisë Ligjore është djegur dy herë sa ishte ministre Albulena Haxhiu, e cila sot pas përfundimit të mandatit paska shkuar që të inspektoi punimet rreth renovimit të këtij Instituti.
Hipokrizi…!
Si nuk ka turp të bëj edhe deklarata kur pikërisht ajo është dashur të japë përgjegjësi për zhdukjen e mostrave të Astrit Deharit, që ruheshin në Institut, e vdekjen e të cilit e përdoren për të ardhur në pushtet. Aty u dogjën edhe mustaqet e komandantit Adem Jashari dhe gishti i heroit Isa Boletini të cilat ishin konservuar nga Prof.Dr. Arsim Gërxhaliu.
Objekti i Institutit sado i vjetër të ketë qenë edhe pse siç e paska thënë është rinovuar në 2005- tën, stafi aty i ka ruajtur me kujdes e fanatizëm dëshmitë.
A është Albulena gardianja e mashtrimeve të LVV-së që po tentohet me çdo kusht ta bëjnë kryeparlamentare?
Si u bë që burri i saj të jetë po ashtu gardian i votave në KQZ?
Një deputete që hodhi gazëlotësjellës në Kuvend të bëhet kryetare e Kuvendit, kjo është absurditet vetëm ta mendosh.
LVV me metoda komuniste nuk mund dhe nuk duhet ta qeverisë Kosovën.
Deputete me cilen makinë i bëre vizitë Institutit sepse ti nuk je më ministre e Drejtësisë?
Ashtu siç nuk është kryeministër shefi yt Albini e që po vazhdoni t’i përdorni xhipat e zi, të cilët po ju dhimsen t’i braktisni.
