Nënkryetarja e Kuvendit të Kosovës, Albulena Haxhiu, ka thënë se sot mund të jetë seanca e fundit e Kuvendit, duke thënë se nëse të gjithë sot hidhen në short për pozitën e nënkryetarit nga komuniteti serb dhe asnjë nuk merr votat e nevojshme, atëherë s’ka arsye që të mblidhen pas 48 orëve.
Sot është mundësia e fundit për Nenad Rashiq, që përkrahet nga Vetëvendosja për këtë post.
Haxhiu tha se është më rëndësi që të konstituohet Kuvendi, sepse rruga tjetër janë zgjedhjet, për çka tha se nuk janë të interesuar.
“Sot mund të jetë seanca e fundit, për shkak se në qoftë se sot të gjithë hedhen në short dhe s’ka tjetër që pret, atëherë nuk ka arsye që të mblidhemi pas 48 orëve. Është e rëndësishme që ta konstituojmë Kuvendin, sepse kjo situatë con në zgjedhje. Ne nuk jemi të interesuar të shkojmë në zgjedhje”, deklaroi Haxhiu para seancës së sotme.
Ajo tha se edhe nëse PDK e LDK nuk votojnë, ka pritje për votat e AAK’së dhe Nismës.
“Është në dorën e tyre. Nëse PDK, LDK refuzojnë që ta bëjnë këta, sepse kemi thënë që janë në linjë me Listën Serbe, presim nga Aleanca dhe Nisma që ta bëjnë këtë”, tha Haxhiu.
“Ka qenë e papranueshme të shoh që disa ngrisnin dorën lartë e më lartë për mua, e për Listën Serbe abstenojnë”, deklaroi Haxhiu./Reporteri
