Hekuran Murati, deputeti i Vetëvendosjes, lëshoi një seri sulmesh ndaj partive ish-opozitare se pse nuk po e votojnë Nenad Rashiqin për kandidat të vetënominuar për Nënkryetar Kuvendi nga radhët e komunitetit serb – propozimi i të cilëve i takon shumicës së deputetëve nga komuniteti serb.
“Nëse jo Rashiqi, kush?”, pyeti Hekuran Murati.
“Është e pakuptimë që prej 52 deputetëve shqiptarë në opozitë, na duhen vetëm 5 prej tyre votave që të ngrisin dorën për Nenad Rashiqin.
Nuk e kuptojmë cili është qëllimi i tyre, një pjesë abstenon, një pjesë nuk merr pjesë në votim. Nëse jo Rashiqi, kush?
Nuk është shkelje kushtetuese, lexojeni nenin 67, askund nuk thuhet që votimi bëhet në pako, por ka qenë praktikë të jenë grupuar pakicat. Kjo praktikë është bërë me konsensus”, tha Hekuran Murati.
