Një zjarr shpërtheu pranë hyrjes së hotelit luksoz Fairmont The Palm në DUBAI, i shkaktuar nga mbeturinat që binin nga qielli gjatë një sulmi me raketa iraniane. Pamjet e zjarrit dhe tymit u përhapën në mediat sociale, dhe Sky News konfirmoi vërtetësinë e tyre.
Sipas informacionit nga faqja e internetit Tui, është një hotel luksoz që u ofron mysafirëve restorante të nivelit të lartë, një spa të vlerësuar me çmime dhe pishina me pamje nga qyteti, transmeton Ballkani.info.
Media shtetërore iraniane raporton se sulmi u nis në Dubai. Ministria e Mbrojtjes e Emirateve të Bashkuara Arabe njoftoi se kishte kapur një valë të re raketash dhe dronësh iranianë. Objektivi i sulmit nuk u njoftua, por forcat ushtarake amerikane janë të stacionuara në Emirate, raporton Reuters.
Kujtojmë se Shtetet e Bashkuara dhe Izraeli sulmuan Iranin këtë mëngjes. Të paktën tre shpërthime u dëgjuan në Teheran, kryeqytetin e Iranit, dhe një numër qytetesh të tjera iraniane u goditën gjithashtu.
Presidenti i SHBA-së Donald Trump pretendon se sulmi do t’i japë fund kërcënimit të sigurisë ndaj SHBA-së dhe do t’u ofrojë iranianëve mundësinë për të rrëzuar sundimtarët e tyre. Qeveria izraelite ka shpallur gjendje të jashtëzakonshme në pritje të hakmarrjes iraniane me dronë dhe raketa balistike.
Pentagoni e ka quajtur sulmin amerikan “Zemërim Epik”. Izraelitët, megjithatë, e quajnë operacionin e tyre “Zhurma e Luanit”. Irani u hakmor duke qëlluar raketa drejt Izraelit, tha ushtria izraelite. Irani kreu gjithashtu sulme në bazat ushtarake amerikane në Bahrein, Emiratet e Bashkuara Arabe, Katar…
