Naim Murseli bashkë me Granit Plavën dhe Kushtrim Kokollën do të mbahen në paraburgim për një muaj, të dyshuar për vrasjen e Liridona Ademajt, gruas së Naimit. Ky i fundit ka qenë ndër personat më të afërt të Behgjet Pacollit në politikë. Megjithatë, ai rezulton të jetë fuqizuar në botën e biznesit nga ‘Baci’.
Behgjet Pacolli kishte treguar se ai ka ndihmuar Naim Murselin në krijimin e platformës “Kerko com” në fazën fillestare te saj, duke thënë se kjo platformë bashkon gjitha kompanitë e pronarët e Kosovës në një faqe. Në fillim të formimit të kësaj platforme, aty aksionar ishte edhe njëri ndër personat më të afërt të Behgjet Pacolli në biznes, Valon Lluka.
Afërsinë e Naim Murselit me Behgjet Pacollin dhe bashkëpunëtorët e tij, e ka hulumtuar tutje Veriu.info, ku ka gjetur se Naim Murseli është drejtor i një kompani të liderit të AKR-së.
“Destinacion” është kompani e themeluar si Sh.P.K. në vitin 2015 ku 100% të aksioneve janë pronë e kompanisë “ISDIAR LLC”, ku drejtues të kësaj kompanie janë Valon Lluka (drejtor dhe agjent i regjistruar) dhe Naim Murseli (drejtor).
Siç shihet nga të dhënat, “Destinacion” si veprimtari primare ka Web portalet.
Nga hulumtimi i bërë nga Veriu.info shihet se pronarë i kompanisë “ISDIAR LLC” është Behgjet Pacolli me 100% të aksioneve, ku edhe aty drejtor dhe agjent i regjistruar është Valon Lluka.
Foto: Dy drejtorët e kompanisë “Derstinacion”, Naim Mureseli e Valon Lluka
Ndryshe, kompania “ISDIAR LLC” ka në është pronar i 100% të aksioneve të “Swiss Diamond Hotel”.
