Inspeksioni i komunës së Mitrovicës ka ndaluar për herë të dytë punimet pa leje në çatinë e qendrës tregtare “Mitrovica Mall”, raporton Gazeta Online Veriu.info.
Kjo pas ndalesës së parë që iu bë në muajin korrik, por investitori Riad Bashota tentoi dje që ta hapë ilegalisht mbindërtimin në “Mitrovica Mall”.
Në vendimin e siguruar nga Veriu.info shihet se inspeksioni i ka ndaluar përkohësisht punimet në objekt.
Ndalja e punimeve erdhi pasi investitori nuk është pajisur me leje ndërtimore nga komuna e Mitrovicës.
