As ditën e sotme nuk ka arritur të konstituohet Kuvendi i Kosovës pasi nuk u zgjodh nënkryetari nga komuniteti serb.Tentativa e radhës për konstituimin e këtij institucioni mbahet të shtunen duke filluar nga ora 11:00.
Në lidhje me këtë situatë të krijur në Kuvend ka folur për “Gazeta Blic”, ish-deputeti i Lëvizjes Vetëvevendosje, Fatmir Humolli.Humolli tha se ‘po vazhdon loja me qytetarin dhe sa ka një mos-respekt për votuesit’.
“Loja me qytetarin vazhdon, mos-respektim i votuesit mos-respektim i kohës për të cilën po kalohet sot ne vend dhe botë.Lista Serbe së bashku me VV-në kanë qenë kundër veteranëve e sot me tregu trimëri e largëpamsi politike, nuk besoj se e kanë seriozisht” tha Humolli.
Ai tha se Listën Serbe e kupton por ata që s’kupton janë lista e deputetëve shqiptar.
Por sipas Humollit me kohën do të kuptohet se kush është në vazhdim të misionit të Adem Jashari dhe kush është fallc.
“Listën Serbe e kam kuptu por lista e deputetëve shqiptar është e pa kuptueshme por me kohë do kuptohen se kush është në vazhdim të misionit te Adem Jasharit e kush është fallco” tha Humolli në përgjigjen e dhënë për “Gazeta Blic”.
Fatmir Humolli-Ish-deputet i VV
Lista Serbe ka paralajmëruar se do t’i drejtohet Gjykatës Kushtetuese për çështjen e zgjedhjes së nënkryetarit të Kuvendit të Kosovës nga minoriteti serb.Deputeti i kësaj partie, Igor Simiq, pas seancës së sotme ka dalë në një konferencë për media në Kuvendin e Kosovës ku krahas tij ishin edhe bashkëpartiakët, përfshirë kryetarin e këtij subjekti, Zlatan Elek.
“Dua t’ju paralajmëroj se Lista Srpska do të çojë ankesë në Gjykatë Kushtetuese sepse rregullat janë shkelur. Shfrytëzoj rastin t’u bëj thirrje deputetëve të partive shqiptare dhe pakicave tjera joshumicë që të mos votojnë për vendime jokushtuese. Krejt kjo do të mbetet e shënuar se çfarë kanë bërë që Nenad Rashiqin me çdo çmim siç e kanë shtyrë në parlament pa votat e serbëve”, tha Simiq.
