Ish-deputeti i Partisë Demokratike të Kosovës, Nezir Çoçaj, ka aderuar në Nismën Socialdemokrate.
Përmes një njoftimi zyrtar, Çoçaj ka thënë se ajo që po ndodh në qeverisjen komunale të Prizrenit është zhgënjyese.
“Çdo ditë dëgjoj pakënaqësitë tuaja, e jam dëshmitar i shumë padrejtësive, mungesës së punës në mirëqenie të qytetarëve dhe mungesës së ndershmërisë. Për këtë arsye kam marrë një vendim të qartë: Nga sot, angazhimin tim politik do ta vazhdoj në Nisma Socialdemokrate” ka thënë Çoçaj, duke njoftuar synimin për të qenë pjesë e listës zgjedhore të kësaj partie.
Ky është njoftimi i plotë i tij:
Të nderuar prizrenas, përkrahës dhe votues të mi,
Mbështetja dhe besimi juaj në zgjedhjet e kaluara kanë qenë forca ime për të mos u ndalur asnjëherë. Nga secili rol – qytetar apo politik – jam përpjekur të punoj për të mirën e qytetit tonë.
Fatkeqësisht ajo që po ndodh sot në qeverisjen komunale është zhgënjyese. Çdo ditë dëgjoj pakënaqësitë tuaja, e jam dëshmitar i shumë padrejtësive, mungesës së punës në mirëqenie të qytetarëve dhe mungesës së ndershmërisë.
Për këtë arsye kam marrë një vendim të qartë:
Nga sot, angazhimin tim politik do ta vazhdoj në Nisma Socialdemokrate.
Synimi im është të jem pjesë e listës zgjedhore të kësaj partie dhe të punoj për një qeverisje të drejtë, të ndershme dhe të dobishme për qytetarët e Prizrenit.
Prizreni nuk ka nevojë për fjalë boshe. Prizreni ka nevojë për punë dhe për njerëz me duar të pastra.
Unë jam gati. Edhe këtë herë, me ju.
