Një incident i pazakontë ka përfshirë ish-kryeministrin italian dhe ish-presidentin e Komisionit Evropian, Romano Prodi-n, gjatë një interviste me gazetaren Lavinia Orefici.
Ngjarja ndodhi më 22 mars, gjatë prezantimit të librit të tij, kur gazetarja e pyeti nëse ai mbështeste kufizimin apo rregullimin e pronës private. Prodi, i nervozuar, reagoi ashpër duke i thënë: “Çfarë dreqin më pyet? A e kam thënë unë ndonjëherë një gjë të tillë?”
Pas sqarimit të gazetares se pyetja ishte pjesë e Manifestit të Ventotenes, një dokument historik i shkruar në vitin 1941 nga antifashistët në burg, Prodi e kap nga flokët në një moment tensioni të dukshëm.
Pas publikimit të videos, Prodi kërkoi falje, duke pranuar se kishte bërë një gabim.
Ai sqaroi se nuk kishte qëllim të sulmonte gazetaren, por se ishte ndier i provokuar nga pyetja dhe kishte reaguar në mënyrë impulsive.
