Ish-ministri i Brendshëm dhe ish-gjenerali Sandër Lleshaj, tha se ajo që ndodhi të dielën në Banjskë është vetëm një hap përshkallëzimi në në atë që shkruhet në kushtetutën e Serbisë.
Sipas tij, në dy vitet e fundit Serbia është armatosur rëndë pikërisht për të vënë në zbatim planin e asaj që e ka të shkruar në kushtetutë, gjë që siç tha me naivitet është shpërfillur nga ndërkombëtarët, të cilët kanë vijuar përpjekjet për dialog.
“Ajo që shohim sot është vetëm një hap logjik përshkallëzimi që shkruhet në Kushtetutën e Serbisë, që Kosova duhet të jetë pjesë e Serbisë. Shteti serb ka një detyrë kushtetuese, të kthejë mbrapsht Kosovën. Identiteti i Vuçiç i lidhur me dy figura problematike, Millosheviçi dhe Putin dhe përpjekja për të kthye në anën perëndimore është iluzive. Është një hap logjik i radhës në një strategji që synon rikthimin mbrapsht të Kosovës. Serbia është armatosur rëndë këto dy vite në mënyrë të heshtur, po përgatitet për diçka dhe është ajo që e urdhëron kushtetuta e tyre, pjesa tjetër është naivitet politik”, tha Lleshaj në Euronews Albania.
