Ai paralajmëroi për frontonline se për shkak të situatës së brishtë politike dhe të sigurisë, ka mundësi që ura të përdoret si pretekst nga udhëheqësit serbë lokalë.

“Hapja e urave është në shërbim të qytetarëve të gjithë komuniteteve. Duke njohur situatën politike dhe të sigurisë atje nuk mund ta përjashtojmë që mund të përdoret si pretekst nga ana e komunitetit serb liderëve të tyre që marrin urdhër nga qeveria në Beograd që të japin kuptim tjetër gjoja kjo urë është rrezik për ta”, ka deklaruar Hoxha.

Hoxha ka deklaruar se institucionet e Kosovës duhet të mos dëmtojnë urat diplomatike me partnerët ndërkombëtarë përmes veprimeve të tyre në terren.

“Kjo urë është që lidhë qytetarët në atë vend. Duhet ta kenë të qartë institucionet që ndërtimi i këtyre urave mos ti dëmtojë urat diplomatike me partnerët ndërkombëtarë”, potencoi ai.