Ushtria izraelite ka dhënë hollësi për shënuesit fizikë të Vijës së Verdhë – në të cilën forcat izraelite u tërhoqën sipas kushteve të marrëveshjes së armëpushimit në Rripin e Gazës.
Blloqet e betonit, të ngjyrosur me të verdhë dhe me një shenjë të verdhë metali të ngulitur në to, janë 3,5 metra të larta dhe do të vendosen në largësi prej rreth 200 metrash nga njëri-tjetri përgjatë Vijës së Verdhë, tha ushtria izraelite.
Forcat e Mbrojtjes të Izraelit e filluan shënimin e Vijës së Verdhë me këto blloqe të dielën dhe ushtria tha se puna do të vazhdojë “në periudhën vijuese”, shkruan gazeta “The Times of Israel”.
Linja e Verdhë, siç është përcaktuar nga ndërmjetësit, përfshin më shumë se gjysmën e territorit të Rripit të Gazës ose 53 për qind të tij – shumica jashtë zonave urbane.
