Izraeli ka kritikuar planet e Mbretërisë së Bashkuar për të njohur shtetësinë palestineze në Asamblenë e Përgjithshme të OKB-së në shtator.
Ministria e Jashtme izraelite thotë se vendimi është një “shpërblim për Hamasin” dhe dëmton përpjekjet për të arritur një armëpushim në Gaza.
“Ndryshimi në qëndrimin e qeverisë britanike në këtë kohë, pas veprimit të Francës dhe presioneve të brendshme politike, përbën një shpërblim për Hamasin dhe dëmton përpjekjet për të arritur një armëpushim në Gaza dhe një kornizë për lirimin e pengjeve.”, shprehet ministria izraelite.
Kujtojmë se kryeministri britanik Keir Starmer tha sot se Mbretëria e Bashkuar do të njohë shtetin palestinez në shtator, nëse Izraeli nuk ndërmerr “hapa të rëndësishëm për t’i dhënë fund situatës të tmerrshme në Gaza” dhe për të arritur një armëpushim.
