Izraeli ka kryer sulme në Libanin jugor, kanë konfirmuar Forcat Mbrojtëse të Izraelit (IDF).
“Gjatë natës, IDF goditi dhe çmontoi një infrastrukturë terroriste të Hezbollahut në Libanin jugor”, tha ushtria izraelite.
“Vendi kishte makineri inxhinierike të përdorura nga Hezbollahu për të rivendosur infrastrukturën terroriste në shkelje të marrëveshjeve midis Izraelit dhe Libanit”.
Media libaneze, duke cituar Ministrinë e Shëndetësisë të vendit, tha se sulmi izraelit në zonën al-Msayleh la të vdekur një person dhe plagosi shtatë të tjerë, shkruan BBC, transmeton Gazeta Express.
Hezbollahu filloi të qëllonte raketa në Izraelin verior një ditë pas sulmeve të udhëhequra nga Hamasi më 7 tetor, duke thënë se po vepronte në solidaritet me palestinezët në Rripin e Gazës.
Konflikti i gjatë u përshkallëzua dhe çoi në një fushatë të ashpër ajrore izraelite në të gjithë Libanin dhe një pushtim tokësor të Libanit jugor – një armëpushim hyri në fuqi në nëntor 2024.
Ndërkohë, mijëra palestinezë kanë filluar të kthehen në veri të Gazës, pasi kaluan natën e tyre të parë atje që kur marrëveshja e armëpushimit hyri në fuqi të premten.
*Fotografia në lajm ilustruese
