Nga rezultatet preliminare të publikuara nga KQZ-ja, pa llogaritur votat e diasporës dhe votat me kusht, LVV në Vushtrri ka marrë 52.59% apo 17725 vota.
Veriu.info ka siguruar votat e kandidatëve të LVV në shkollën “Bahri Haxha” në qytet, që është njëra prej dy shkollave (qendrave të votimit) më të mëdha në këtë komunë.
Pas numërimit të votave në këtë qendër votimi del se Albin Kurti ka marrë 2166 vota, i pasuar nga Glauk Konjufca që ka marrë 1767 vota. Kandidati i tretë me numrin më të madh të votave është bashkëkryetari i Listës GUXO, Faton Peci që ka marrë 1032.
Kandidatët e LVV nga Vushtrria kanë zënë vendet katër, pesë, gjashtë dhe shtatë për nga numri i votave: Fjolla Ujkani 953 vota, Sylejman Meholli 928 vota, Nasuf Bejta 880 vota, Besim Muzaqi 697 vota.
Veriu.info ka llogaritur edhe votave të kandidatëve të LVV-së nga Mitrovica, që hyjnë në kuadër të rajonit 02 së bashku me Vushtrrinë, ku Agim Bahtiri ka marrë 280 vota, Armend Muja 201 vota dhe Arjeta Fejza 193 vota./Veriu.info
