Zëvendëspresidenti J D Vance po u bën thirrje amerikanëve që të jenë të durueshëm ndërsa SHBA-ja po përgatitet për ndikimin e tarifave që i vendosi presidenti Donald Trump.
“Po, ky është një ndryshim i madh. Nuk do të tërhiqem, por na duhej një ndryshim i madh.”
Duke folur për Fox Neës, ai paralajmëron amerikanët që jetojnë me një buxhet të ngushtë se gjërat nuk ka gjasa të përmirësohen “brenda natës”, shkruan BBC, transmeton Gazeta Express.
“Ne nuk mund të vazhdojmë të ecim në rrugën globaliste të Joe Biden, ku kemi 2 trilion dollarë borxh dhe deficite në kohë paqeje. Për 40 vjet, ne kemi pasur një ekonomi që shpërblen njerëzit që dërgojnë punë amerikane jashtë shtetit dhe rrit taksat për punëtorët amerikanë dhe ne po ia kthejmë këtë përmbys”.
“Ata gjithashtu do të përfitojnë nga fakti që vendet e huaja nuk mund të përfitojnë më nga ne. Kjo do të thotë se punët e tyre do të jenë më të sigurta”.
Trump njoftoi një tarifë bazë prej 10% për të gjitha importet dhe taksa më të larta, reciproke për disa kombe, të cilët ai i quajti “shkelësit më të këqij” për sa i përket vendosjes së tarifave ndaj mallrave amerikane.
