Çmimet e kafesë kanë arritur nivele rekord në muajt e fundit, kryesisht për shkak të motit të paqëndrueshëm në vendet prodhuese si Brazili dhe Vietnami, të cilat po ndikojnë në mungesa të ndjeshme furnizimi dhe rritjen e kostove për konsumatorët në të gjithë botën.
Në Mbretërinë e Bashkuar, ku u importuan një miliard paund (1.170 miliardë euro) kafe në vitin 2023, ndikimi i këtyre rritjeve të çmimeve është ndier shumë. Njëjtë ka ndodhur edhe në të gjitha shtetet e tjera të botës, ku muajve të fundit ka pasur rritje të çmimit të kafesë për arsyet e njëjta.
Sipas Gareth Redmond-King, Drejtor i Programit Ndërkombëtar në Njësinë e Inteligjencës së Energjisë dhe Klimës (ECIU), ndryshimet klimatike janë një faktor kyç i rritjes së çmimeve të kafesë. Me 97% të kafesës së prodhuar në nivel global që vjen nga vendet të prekura nga ndikimet klimatike, lëvizjet ekstreme të motit po rrezikojnë në masë kulturat ushqimore dhe po çojnë në ndërprerje të furnizimit. Brazili dhe Vietnami, që furnizojnë më shumë se gjysmën e të gjitha kokrrave të kafesë së importuar në shumicën e vendeve perëndimore, janë goditur thellë nga kushtet e këqija të motit.
Ndërsa çmimet e kafesë vazhdojnë të rriten dhe mungesa e furnizimit vazhdon, konsumatorët në të gjithë botën po ballafaqohen me kërkesën për të paguar më shumë për kafenë e tyre të mëngjesit. Ekspertët vlerësojnë se tash është koha për të vepruar për ndryshimet klimatike dhe mbështetjen e praktikave të prodhimit të qëndrueshëm të ushqimit, në mënyrë që të sigurohet furnizimi stabil dhe i arsyeshëm i ushqimeve për brezat në të ardhmen.
Veriu.info ka biseduar ne disa importues të kafes në Kosove, të cilët kanë treguar se më 2025 do të ketë ngritje të çmimit të kafes për kilogram për shkak të ngritjes së çmimit të saj në bursë.
