Gazetari Vehbi Kajtazi ka thënë se Kosova ka ardhur në momentin që përshkruhet si “me dorën në xhep të Dimal Bashës”.
Këtë qëndrim Kajtazi e ka dhenë duke komentuar fotografinë e deputetit Haxhi Avdyli që sot e vizitoi Dimal Bashën teksa ai shihej me dorën në xhep.
“Ky është shteti që kemi sot, kjo është hajgare. Është çmenduri çka i ka ndodh këtij vendi. A ka ku me shku më posht sesa Dimal Basha”, ka thënë Kajtazi në Rubikon të Klan Kosovës.
“A ka degradim më të madh se të jetë Donika Gërvalla ministre e Jashtme, të cilës ajo i thotë Daçiqi faleminderit që na ke ndihmu për ata në Hagë. Këta nuk dallojnë prej Pëllumb Pilinçit. Nuk e lëshon dikush pushtetin që ka ardh me gjak. Albin Kurti nuk e lëshon pushtetin sepse ka ardhur me gjak”, ka thënë Kajtazi.
“A po t’i respekton institucionet? A po t’i respekton vendimet e Gjykatës? Këta janë cuba. Këta kanë vjedhur në magje”, ka thënë veç të tjerash Kajtazi.
Ai është shprehur kritik ndaj PDK-së dhe AAK-së që votuan Bashën
“E votuan Dimal Bashën dhe ndihmuan në degradimin e institucionit të Kuvendit. Më nuk i besoj PDK-së e AAK-së që e votuan Dimal Bashën”, ka thënë ai.
