Denoncimet që Vjosa Osmani, Presidente e Kosovës po i hedh në drejtim të kryeministrit teknik, Albin Kurtit, për dëmtim të marrëdhënieve me Shtetet e Bashkuara të Amerikës nuk po i blen assesi për të sinqerta e të njëmendëta gazetari Vehbi Kajtazi, i cili tha se në këtë situatë “më shumë e respektoj Albin Kurtin”.
“Osmani ishte aleat i Kurtit kur ishin bashkë edhe në dëmet që ia kanë shkaktu vendit. Në krejt këtë situate më shumë e repsketoj Kurtin sado i mbrapsht që është sesa Osmanin sepse kjo e ndërgjegjshme për veprimet e veta ka qenë aleat i Kurtit në këto dëme për të cilat ajo flet tash.
Ka filluar të flas kur e ka pa që Kurti është duke u fundos në raport me SHBA dhe kur kjo domosdoshmërisht duhet ta distancojë vetën nga ato veprime të dëmshme që po i shkaktohen Kosovën kur kjo po flet. Ne të tjerët kemi qenë kritik, kjo e ka mbrojt Kurtin, tash kjo po e godet”, tha ai në “Rubikon” të Klan Kosovës.
