Në pikën doganore në Hani i Elezit janë shkaktuar kolona të gjata të kamionëve sot, si pasojë e mungesës së energjisë elektrike, e cila po pengon zhvillimin e procedurave administrative për kalimin e tyre.
Lexues të Veriu.info bëjnë të ditur se shoferët kosovarë që vijnë nga Turqia për në Kosovë, janë detyruar që të qëndrojnë me orë të tëra në pritje të ndonjë informacioni nga doganierët.
Përkundër situatës, autoritetet doganore nuk kanë dhënë asnjë njoftim zyrtar apo zgjidhje për problemin, ndërsa pritjet po bëhen gjithnjë e më të gjata.
Shoferët shprehen të zhgënjyer dhe kërkojnë që institucionet përgjegjëse të ndërmarrin masa urgjente për të shmangur vonesat e tilla në të ardhmen./Veriu.info
