Kejvina Kthella vazhdon të jetë shumë e acaruar me Kiarën. Dy vajzat, që u dukën të afërta në ditët e para të Big Brother, duket se i kanë ndarë rrugët e tyre tanimë. Pas deklaratave të forta pak ditë më parë, modelja shkruan se mund të hyjë sërish në Big Brother dhe këtë herë vetëm për të bërë një skandal me Kiarën. “Me vërtet kam bërë një gabim aty brenda, por mos u habisni nëqoftëse më shikoni duke bërë një gabim tjetër duke hyrë aty brenda në mënyrën time (nga gardhi, nga qielli, nga të më vijë) vetëm të takoj pak njërën…s’ka mundësi që po e përjetoje dhe nga jashtë’, shkruan Kejvina. Kejvina reagoi edhe kur Luizi veshi bluzën që ajo i kishte dhuruar dhe Kiara i tha ta hiqte. “Aman ma zhduk këtë bluzën, ma hiq”, i tha Kiara Luizit. “Ma ka dhënë Kejvina”, ia ktheu Luizi.“Eh moj Kiara butulose po kur merrje gjerat e mia aty brenda te pelqenin?”, shkruante modelja.

Është e ditur tashmë se sa i rëndësishëm është babai për zhvillimin e fëmijës. Në fakt, si dashuria, si refuzimi nga ana e të dy prindërve mund të ndikojnë thellësisht ekuilibrin emotiv, vetëbesimin dhe shëndetin mendor të fëmijëve.

Në vitet e fundit, psikologët kanë filluar të studiojnë më thellë rolin e prindërve në zhvillimin e fëmijëve. Studime të shumta kanë nxjerrë në pah rëndësinë e figurës atërore. Këto studime kanë nxjerrë në dritë se si mungesa e babait shkakton probleme përshtatjeje te fëmijët.

Sigurisht, prania e tij dhe mirëkuptimi kanë efekt të kundërt: thjeshtëson përshtatjen e fëmijës dhe krijon kushte për një zhvillim të shëndetshëm psikologjik.

Pasojat psikologjike të një babai mungues

Zbulojmë se cilat janë pasojat e mungesës së babait në jetën e një fëmijë dhe si t’ia bëni për të shëruar plagët emotive që lidhen me këtë mungesë.

Probleme në sjellje

Një baba që mungon në jetën e fëmijëve të tij mund të gjenerojë tek ata probleme të sjelljes. Fëmija ka nevojë të përballet vazhdimisht me botën e jashtme.

Prania fizike e vetëm njërit prej prindërve nuk mjafton për të formësuar karakterin dhe për ta ndihmuar fëmijën të përballet me botën. Përkundrazi, ndonjëherë mund të jetë më e keqe prania fizike e një prindi të vetëm, nëse ajo nuk shoqërohet me vëmendjet e duhura përkundrejt fëmijës.

Gjeneron pasiguri dhe ankth
Një baba që mungon apo që vë në diskutim çdo aktivitet të fëmijës gjeneron tek ai ankth, pasiguri.

Padyshim është e rëndësishme t’i vini në diskutim sjelljet e fëmijës, por në mënyrë konstruktive, duke i bërë të kuptojë se është nga ana e fëmijës në çdo rrethanë.

Mungesa e babait: roli i nënës

Shpesh nëna, edhe pse ruan “bashkimin e familjes” ka tendencën që të justifikojë mungesën e babait me shprehje të tipit: “ti e di shumë mirë se si është yt atë”; “babai yt nuk e kupton që të lëndon”; “mundohu të kuptosh babanë tënd” apo “babi yt e bën për ty”.

Në thelb nëna ka mësuar të pranojë karakterin e shkëputur të partnerit dhe mundohet që edhe fëmija ta kuptojë, i cili nga ana e tij e përjeton gjithçka si një mungesë vlerësimi për të.

Por nuk është asfare kështu. Pikërisht sepse e do të voglin, figura mëmës-ore pa-dashje, mundohet të sjellë ashtu si di harmoninë në familje.