Këngëtari dhe ndërtuesi i Alegro Resort Labinot Rexha, kishte promovuar villën luksoze të eksponentit të VV-së, Shemsi Bahtiri në këtë kompleks. Madje, në at villë ishte organizuar një ndenje, nga Brilant Bahtiri, djali i Shemsi Bahtiri. Ky i fundit është një nga të arrestuarit në operacionin e quajtur “Qielli i Hapur”.
Në një video të publikuar në rrjete sociale, Rexha ka treguar villën që posedon eksponenti i VV-së, Shemsi Bahtiri.
Ai tregon se Bahtiri është banues në Alergo.
Villa, që Bahtiri ka atje është mjaftë luksoze dhe me pishinë.
Madje, në këtë villë është organizuar edhe një ndenjë nga Brilant Bahtiri, djali i Shemsiut.
Në videon që ka siguruar Insajderi nga dosja e prokurorisë, shihet Labinot Rexha, duke argëtuar të pranishmit.
Brilant Bahtiri me babain Shemsi Bahtiri në jaht
Prokuroria Speciale e Policia e Kosovës kanë zhvilluar të martën njërin prej aksioneve më të mëdhenj, duke goditur rëndë një grup të organizuar kriminal.
Shuma milionëshe të ‘ngrira’ e qindra vetura të sekuestruara janë vetëm disa nga sukseset e këtij aksioni.
I koduar me emrin “Qielli i Thyer”, aksioni i Prokurorisë Speciale rezultoi edhe me arrestimin e Shemsi Bahtirit.
Bahtiri është një njeri i afërt me Lëvizjen Vetëvendosje, posaçërisht me kryeministrin në detyrë Albin Kurtin e ministrin në detyrë, Xhelal Sveçlën.
Prej vitesh Bahtiri ishte pjesë e pandashme e Lëvizjes Vetëvendosje. Ai bënte pjesë në degën në Prishtinë të kësaj partie.
Ai kishte marrë pjesë në shumë aktivitet të kësaj partie. Në mesin e tyre edhe në aksionin e atëhershme të LVV-së kundër kryeprokurorit Lumezi.
Në fotografitë e publikuara nga shefi i kësaj partie në Kuvendin Komunal të Prishtinës, Gëzim Sveçla, Bahtiri shfaqet si anëtar në Pikën Medrese të kësaj partie në Prishtinë.
Ai shfaqet së bashku me anëtarët tjerë të kësaj partie duke u moblizuar kundër ish-kryeprokurorit Lumezi.
Ndërkohë Vetëvendosja kanë marrë masa ndaj Shemsi Bahtirit. Ai është larguar nga kjo parti.
“Nga mediat kuptuam se njëri prej 22 arrestuarve është aluduar si i afërt me subjektin tonë. Ndonëse nga Prokuroria apo Policia nuk kemi parë asnjë informatë zyrtare me të dhënat personale të të arrestuarve.
