Ish-eprori i UÇK-së, Uk Lushi, i cili jeton dhe vepron në ShBA, ka shprehur shqetësimet e tij në lidhje me keqtrajtimet që po iu bëhen ish-krerëve të UÇK-së në Hagë.
Duke e komentuar kërcënimin e John Devaney, sa ishte roje e burgut, ndaj Thaçit dhe të tjerëve, ai ka kërkuar reagimin e institucione të Kosovës.
Në “Edicionin Special” të Klan Kosovës, ai iu ka bërë thirrje liderëve të shtetit të Kosovës, që të mos frikësohen
“Unë ju them liderëve të Kosovës mos u frikësoni, kryeni punën tuaj, për arsye se nesër do të ju trajtojnë juve ashtu, do të na trajtojnë neve ashtu, sepse kërkesa për trajtim dinjitoz dhe me të drejta bazike të njeriut, është kërkesë njerëzore. Liria nuk vyen kurrgjë pa këto gjëra bazike. Nuk duhet t’i frikësohemi askujt”, ka thënë ai.
