Lëvizja Vetëvendosje në Maqedoninë e Veriut ka prezantuar tre kandidatë për zgjedhjet parlamentare në Maqedoninë e Veriut.
Emrat i ka publikuar këshilltari i kryeministrit Kurti, Bekim Qoku, me anë të një postimi në ‘Facebook’. Aty bëhet e ditur se kandidatë do të jenë Nafie Selmani, Medine Ukshini dhe vetë Qoku.
Kujtojmë se Qoku paguhet nga buxheti i Republikës së Kosovës
Ata do të garojnë me koalicionin VLEN për zgjedhjet në Maqedoni.
“Lëvizja VETËVENDOSJE! do t’i ketë tre kandidatë për deputetë, me koalicionin VLEN. Ne do të jemi pjesë e fitores që VLEN! Në Njësinë Zgjedhore 1, kandidate me numrin 6 në listë do të jetë znj. Nafie Selmani. Në Njësinë Zgjedhore 2, kandidate me numrin 6 në listë do të jetë znj. Medine Ukshini. Ndërsa në Njësinë Zgjedhore 6, kandidat me numrin 2 në listë do të jem unë, Bekim Qoku”, ka shkruar ai.
Kryeministri Kurti është kritikuar për përçarje në mes të politikanëve shqiptarë në Maqedoninë e Veriut.
