Merita Simnica, Burim Gërguri dhe Ibrahim Krasniqi janë tre zyrtarët e komunës së Obiliqit që dje dolë para gjykatës dhe u mbrojtën në heshtje.
Ata dyshohet se fuqizuan kompaninë “Ciao Berto”, me pronar Blerim Krasniqin, duke ia mundësuar kundërligjshëm lejen ndërtimore për ndërtimin e fabrikës në Milloshevë të komunës së Obiliqit, raporto Veriu.info.
Kjo fabrikë tashmë është e hapur dhe ka pronarë tre vëllezërit Krasniqi.
Blerim Krasniqi, Bashkim Krasniqi dhe Bekim Krasniqi janë tre vëllezërit, pronarë të Ciao Berto, të cilët përkundër që shkelën ligjin në këtë rast, nuk janë pjesë e hetimeve që janë zhvilluar tash e pesë vite.
Prokuroria Themelore në Prishtinë, më 30 shtator 2020, kishte ngritur aktakuzë ndaj, Arben Berishës, Merita Simnicës, Burim Gërgurit dhe Ibrahim Krasniqit. Të katër këta të akuzuar, nga Prokuroria ngarkohen me veprën penale “Keqpërdorim i pozitës apo autoritetit zyrtar”, raporton Veriu.info.
Për këtë rast, meqë kishte pranuar fajësinë, ishte gjobitur me 3,600 euro gjobë Arben Berisha, ku në kohën që e ka kryer veprën penale ka shërbyer si drejtor në Drejtorinë për Planifikim Urban, Gjeodezi dhe Kadastër në Komunën e Obiliqit. (https://betimiperdrejtesi.com/denim-me-gjobe-per-zyrtarin-e-komunes-se-obiliqit-tre-te-tjeret-deklarohen-te-pafajshem-ndaj-akuzave-per-korrupsion/)
Sipas aktakuzës së vitit 2019, këta zyrtarë kishin lëshuar një leje ndërtimore për ndërtimin e fabrikës së mobilieve të “Ciao Berto”, në Milloshevë të Obiliqit. Më saktësisht, Burim Gërguri atëbotë kishte nënshkruar një vendim në cilësinë e kryesuesit të Kuvendit Komunal të Obiliqit, që shihte aprovimin e kërkesës së biznesmenit Krasniqi për ndërrimin e destinimit të tokës nga bujqësore në jobujqësore.
Kërkesa ishte refuzuar paraprakisht nga Ministria e Bujqësisë, Pylltarisë dhe Zhvillimit Rural, meqë kërkesa ishte në kundërshtim me Ligjin për tokën bujqësore.
Ibrahim Krasniqi në cilësinë e inspektorit të Komunës së Obiliqit nuk kishte ndërmarrë masat ligjore për ndërprerjen e punimeve pa leje, ndër të tjera, edhe “Berto”-s./Veriu.info
Mbrohen në heshtje tre zyrtarët e Komunës së Obiliqit të akuzuar për korrupsion
