Sot gjatë ditës njësitet ushtarake të KFOR-it janë vendosur në hyrje të komunës së Leposaviqit
Pas vendosjes aty, KFOR-i kanë ndaluar Njesinë Speciale të Policisë së Kosovës, për të vazhuar tutje dhe për t’u vendosur në këtë komunë.
KFOR-i ka vendosur një bllokadë tek baza e “Nothing Hill”.
Ushtarët e KFOR-it po pyesin të gjitha njësitë e Policisë së Kosovës për rolin e tyre por që të njëjtat deri më tani nuk po i lejon të futen në Leposaviq dhe në pikat kufitare.
Madje për këtë vendim Indeksonline merr vesh se është njoftuar edhe kryeministri Kurti.
Kujtojmë se KFOR-i ndodhet i vendosur në komunat veriore ku kryetarët shqiptarë kanë marrë mandatin tash e afro katër javë dhe javë më parë dhjetëra pjesëtarë të KFOR-it u lënduan në përleshje me huliganët serbë që ishin grumbulluar në njërën nga katër komunat veriore.
