Marlene Engelhorn, e cila është 31 vjeçe dhe jeton në Vjenë ka fituar 25 milionë euro trashegëmi nga gjyshja e saj. Ajo ka thënë se këtë pasuri nuk e ka merituar. Halli i Marlene është se si do t’i ndajë ato.
“Unë kam trashëguar pasurinë pa bërë asgjë. Nuk i kam merituar këto. Tani kërkoj ndihmën e të tjerëve se di duhet ti shpërndajë këto para” ka thënë 31 vjeçarja, shkruan Indeksonline.
Madje ajo nëpërmjet një sistemi online kërkon që 50 austriakë të përcaktojnë se si do të rishpërndahen 25 milionë eurot e trashëgimisë së saj. Ata që duan të marrin pjesë në nismën e Marlene Engelhorn, e njohur si Këshilli i Rishpërndarjes, mund të regjistrohen online ose me telefon.
Marlene Engelhorn është një pasardhëse e Friedrich Engelhorn, themeluesit të kompanisë gjermane kimike dhe farmaceutike BASF, dhe ajo trashëgoi miliona pasi gjyshja e saj vdiq në shtator 2022.
Pasuria e Traudl Engelhorn-Vechiatto u vlerësua nga revista amerikane Forbes në 4.2 miliardë dollarë.
Austria hoqi tatimin mbi trashëgiminë në vitin 2008, duke e bërë atë një nga vendet e pakta evropiane që nuk ka asnjë taksë trashëgimie.
