Ballkani, këtë vit ka marrë pjesë për herë të parë në garat evropiane.
Kampioni i Kosovës fillimisht luajti në kualifikimet e Ligës së Kampionëve, shkruan IndeksOnline.
Ata u eliminiuan qysh në raundin e parë nga Zalgiris.
Pas elminimit, Ballkani vazhdoi garat në kualifikimet e Conference League.
Në ranudin e parë eliminoi klubin e La Fioritas, në raundin e dytë Klasvikun ndërsa në play-off, eliminoi ekipin shqiptar nga Maqedonia, Shkupin.
Katër raundet e fazës eliminatore ia siguruar 400 mijë euro fillimisht, ndërsa kalimi në grupe ia siguroi afër 3 milionë euro.
Ballkani nga rishpërndarja e parave për klubet mori mbi 71 mijë euro, ndërsa nga koeficienti dhjetëvjeçar i UEFA-s, kampioni i Kosovës fitoi edhe mbi 44 mijë euro.
Në fazën e grupeve të Conference League, skudra nga Suhareka arriti një fitore në udhëtim ndaj Sivassporit ku përfitoi 500 mijë euro dhe një barazim ndaj CFR Cluj ku u shpërbly me 166 mijë euro.
Në total, Ballkani nga paraqitja në garat evropiane ka marr 4 milionë e 182 mijë euro, sipas football-coefficient.
Kësaj do t’i shtohen edhe paratë nga të drejtat televizive dhe biletat e shitura, ku mund të preket edhe shuma prej 5 milionë euro.
