Gazetari i Radio Televizionit të Kosovës (RTK), Behxhet Begu, ka publikuar një pjesë nga një intervistë e realizuar në vitin 2015 me liderin e Lëvizjes Vetëvendosje, Albin Kurti ku ky i fundit ishte në opozitë.
Në atë intervistë, Kurti premtonte një të ardhme ndryshe për transmetuesin publik të vendit: çlirim nga kontrolli politik dhe zgjidhje të qëndrueshme për financimin e RTK’së.
Megjithatë, sipas Begut, këto zotime nuk janë përmbushur as pasi Kurti mori drejtimin e Qeverisë së Kosovës.
“Disa momente nga një intervistë produktive me ish-Kryeministrin Kurti në vitin 2015, kur ishte në opozitë. Të dy jemi plakur pak, por fjalët dhe premtimet për interesin publik nuk duhet as të harrohen, e as të ndryshohen,” shkruan Begu. /Insajderi.org/
