Agjencia për Informim dhe Privatësi e ka gjobitur Kolegjin “Universum” në Ferizaj në vlerë 8 mijë euro për shkak të instalimit të kamerave në kundërshtim me Ligjin për Mbrojtjen e të Dhënave Personale, pasi ky institucioni ka vendosur kundërligjshëm kamera në sallat e ligjërimit dhe në tualete, raporton Gazeta Online Veriu.info.
Veriu.info ka siguruar vendimin e AIP për gjobën ndaj Kolegjit “Universum” ku thuhet se ky institucion obligohet që të paguajë gjobën në një afat prej 30 ditësh dhe të largojë sistemin e vëzhgimit me kamera në sallat e ligjërimit dhe në tualete përkatësisht tek pjesa e lavamanit.
“Shqiptohet gjobë kundërvajtëse me vlerë prej 8,000.00 € ndaj “Kolegji Universum” Ferizaj, në cilësinë e kontrolluesit për shkeljen e dispozitave të përgjithshme për vëzhgimin me kamerë. Urdhërohet “Kolegji Universum”, Rr. “Haki Stërmilli” Ferizaj, në cilësinë e kontrolluesit të largoj sistemin e vëzhgimit me kamerë të vendosur në sallat e ligjërimit, tualete përkatësisht tek pjesa e lavamanit”- thuhet në vendimin e AIP-së, më 23 dhjetor 2024.
Ky institucion kishte konstatuar se afati i ruajtjes së regjistrimeve nga sistemi i vëzhgimit me kamerë ka qenë tri ditë, kurse qasje në kamera kishte pasur zyrtari i teknologjisë informative brenda Kolegjit dhe hapësirat e monitorimit kanë qenë të mbyllura me çelës e nuk janë monitoruar në çdo kohë.
Më poshtë ju sjellim vendimin e AIP:
