CETIS, kompania sllovene që në zgjedhjet e fundit komunale 2025 në Kosovë u përfshi në skandalin për fletëvotime me gabime të kodit të vendvotimit, është përzgjedhur sërish për të printuar fletëvotimet e zgjedhjeve për Kuvendin e Kosovës të 28 dhjetorit.
Sipas dokumenteve të tenderit nga Komisioni Qendror i Zgjedhjeve (KQZ), CETIS, në partneritet me një firmë kosovare, ka fituar tenderin e ri.
Demokracia.com ka mësuar ekskluzivisht nga burime të afërta me procesin zgjedhor, se vlera e tenderit do të jetë afër 300 mijë euro.
Sipas njoftimit të KQZ-së në 2dhjetor, ky institucion ka marrë vendim për miratimin e rekomandimit të Sekretariatit të KQZ-së për zhvilimin e procedurave emergjente ekstreme për aktivitetet e prokurimit që lidhen me zgjedhjet e parakohshme për Kuvendin e Kosovës, të cilat do të mbahen më 28 dhjetor 2025. Këto përfshijnë një sërë aktivitetesh të domosdoshme për organizimin e zgjedhjeve të parakohshme dhe ku bëjnë pjesë shtypja e fletëvotimeve, borshurave dhe listave përfundimtare të vouesve.
Kompania CETIS që shtyp fletvotimet në Kosovë të cilës i rezultuan “incidentalisht” gabime në numra të serikë të votimeve, ka një histori të mirë ortakësie me Martin Berishajn, ambasador i Kosovës në Kroaci i dysuar për përfshirje në shpërlarje parash dhe mafi energjetike në Ballkan.
Mediat kanë raportuar se Martin Berishaj, është hisedar me 10 % të aksioneve në firmën Nacional (Shqipëri), ku në fillimet e saj, ishin katër firma aksionare të tjera: ‘Stil’, ‘Cetis’, ‘Nirvana’ dhe ‘Lucrum’, me pronarë sllovenë e kroatë.
https://demokracia.com/kompania-qe-shtypi-fletevotimet-eshte-e-lidhur-me-martin-berishaj-ishin-ortake-bashkethemelues-te-nje-kompanie/
Emri i kompaisë sllovene u bë shumë i njohur për publikun kosovar pas skandalit që shpërtheu lidhur me gabimi e evidentuar në disa fletëvotime të zgjedhjeve lokale të 9 nëntorit 2025 në Mitrovicë të Jugut dhe Gjakovë.
Sipas raportimeve, në disa vendvotime të këtyre komunave ishin gjetur fletëvotime me kode që s’do të duhej të ishin në ato vendvotime, por ishin destinuar për tjera vendvotime.
